BE.266 Logu no.151
TU BANUAGINJANG DO

Ayat 1
Tu banuaginjang do Pardalanta i
Na dihalungunhon ho Tulus ma disi
Anggo dison Mubauba do sude So sadia na ture Di tano on.

Ayat 2
Tu banuaginjang i Sai tabereng be
Molo ngot manogot i Nang bodari pe
Olo, tongtong Martangiang ho gogo Ia naeng maruli ho Di Jesus i.

Ayat 3
Tu banuaginjang i Bereng ma tongtong
Molo na hurangan ho Di portibi on
Ndang jadi be Ganggu rohami disi Debata patupa i Singkop sude.

Ayat 4
Tu banuaginjang i Lao do sasude
Dongan na porsea i Di Tuhanta i
Dohot ma ho Alo sipagago i Taon nama hansitna i Satongkin i.

Ayat 5
Tu banuaginjang i Lao Tuhanta i
Sian haleaon i Na tinaonNa i
Ihuthon ma Sian hatoruon i Dalan na tu surgo i Tu Debata.

Ayat 6
Tu banuaginjang i Lao ma ho muse
Gari hamatean i ParhiteanMi
Diida ho Ujung ni dalanta i Bagas ni Amanta i Di surgo do.

Ayat 7
Tu banuaginjang i Hasonangan i
Rap marende ma disi Na porsea i
Haleluya I do diolophon be Di Parmonang Jesus i, Haleluya.
